بەشێک لە یەکەکانی نیشتەجێبوون لە سلێمانی. وێنە :964
لە سلێمانی
ژمارەیەک شوقە بێبەرامبەر دەدرێن بە خاوەن پێداویستییە تایبەتەکان
964+
ژووری هەواڵ
لە سلێمانی ژمارەیەک یەکەی نیشتەجێبوون دابینکرا بۆ ئەو خاوەن پێداویستییە تایبەتانەی کە رێژەی کەمئەندامییەکەیان 70٪ـیە و بەگوێرەی چەند مەرجێک بێبەرامبەر یەکەکانیان پێدەدرێت.
یەکەکان پێکدێن لە 45 شوقە و بەگوێرەی رێککەوتنێک لەنێوان وەزارەتی کار و کۆمپانیایەک، لە پرۆژەی شاری شاران لە قولەرەیسی دروستکراون.
هێمن ئەحمەد، وتەبێژی بەڕێوەبەرایەتی چاودێری و گەشەپێدانی کۆمەڵایەتی سلێمانی بە 964ـی راگەیاند، یەکێک لە مەرجەکان ئەوەیە ئەو خاوەن پێداویستییە تایبەتانە دەبێت خاوەنی یەکەی نیشتەجێبوون نەبن.
مەرجەکان ئەمانەن:
– رێژەی کەمئەندامیەکەی 70٪ بێت.
– خێزانداربێت- سەرۆک خێزان یان هاوسەری کەمئەندام بێت، یان خێزانێک لە دوو خاوەن پێداویستی تایبەت و زیاتر لە خێزانەکەدا بێت.
– کرێچی بێت.
– جگە لە موچەی کەمئەندامی هیچ موچە و داهاتێکی تری نەبێت.
– نیشتەجێی قەزای ناوەندی سليمانی بێت.
هەر خاوەن پێداویستیەکی تایبەت خوازیارە و مەرجەکان دەیگرێتەوە دەتوانێ لە ئەمڕۆ دووشەممەوە تاوەکو رۆژی 23.12.2024، سەردانی دیوانی بەڕێوەبەرایەتی گشتی بکەن بەمەبەستی وەرگرتنی فۆڕم، لە کاتی دەوامی فەرمی.
ناونیشان :- بەڕێوەبەرایەتی گشتیی چاودێری و گەشەپێدانی کۆمەڵایەتی لە پارێزگای سلێمانی – گردی جۆگە – خوار ئامادەیی هەڵکەوتی کوڕان.
