لە ئەفریقا هێشتا مۆندیالە

ئه‌رسه‌لان عه‌بدوڵڵا – هه‌ولێر

دوای ئه‌وه‌ی چوارشه‌ممه‌ی رابردوو یاریی كردنه‌وه‌ ئه‌نجام درا، ئه‌مڕۆ قۆناغی دووه‌می مۆندیالی یانه‌كان له‌ تۆپی پێ دوو یاریی گرنگ به‌خۆیه‌وه‌ ده‌بینێت.

مۆندیالی یانه‌كان له‌ مه‌غریب به‌ڕێوه‌ده‌چێت و حه‌وت یانه‌ی پاڵه‌وانی كیشوه‌ره‌ جیاوازه‌كانی دنیا تێیدا به‌شدارن.

ئه‌مڕۆ شه‌ممه‌ دوو یاری له‌ قۆناغی دووه‌مدا ده‌كرێن.
ویداد به‌یزاوی مه‌غریبی – هیلالی سعوودی 17:30
سیاتڵ ساوندرزی ئه‌مریكی – ئه‌هلیی میسری 20:30.

براوه‌ی یارییه‌كانی ئه‌مڕۆ ده‌گه‌نه‌ قۆناغی پێش كۆتایی، به‌ جۆرێك براوه‌ی یاری سیاتڵی ئه‌مریكی و ئه‌هلیی میسری، له‌گه‌ڵ فلامینگۆی به‌ڕازیلی یاریی ده‌كات.

هه‌روه‌ها براوه‌ی یاری ویداد به‌یزاویی مه‌غریبی و هیلالی سعوودی، رووبه‌ڕووی ریال مه‌دریدی ئیسپانی ده‌بێته‌وه‌.

جێی ئاماژه‌یه‌ یاری كردنه‌وه‌ی پاڵه‌وانیه‌تییه‌كه‌ به‌ سه‌ركه‌وتنی ئه‌هلیی میسری به‌ 3-0 گۆڵ به‌سه‌ر ئۆكلاند سیتیی نیوزیله‌ندایی كۆتایی هات.

بڕیار وایه‌ یاریی كۆتایی مۆندیالی یانه‌كان، كه‌ به‌ سه‌رپه‌رشتیی فیفا به‌ڕێوه‌ده‌چێت، له‌ رۆژی 11ـی ئه‌م مانگه‌ دێته‌ ئه‌نجامدان.