له‌ به‌غدا (دیداری ئەزیزان) دەستی بە چالاكییەكانی كرد

964+

فه‌رهاد حه‌سه‌ن

له‌ به‌غدا فێستڤاڵێك به‌ناوى دیدارى ئازیزان به‌ڕێوه‌ده‌چێت، هه‌موو پێكهاته‌ و نه‌ته‌وه‌كانى عێراقی تێدا كۆكراوه‌ته‌وه‌ و مۆزەخانەی عێراقی و مۆزەخانەی بەغدادی و قشڵەی بەغداد به‌ڕێوه‌ى ده‌به‌ن.

مامۆستا  شێرزاد رەسوڵ فەقێ، نوێنەری هەرێمی كوردستان و ئەندامی  لیژنەی هەماهەنگی و بەدواداچوون به‌ 964ـى رایگەیاند: فێستڤاڵه‌كه‌ له‌ دوێنێوه‌ ده‌ستیپێكردووه‌ و ماوه‌ى چوار رۆژ به‌رده‌وام ده‌بێت.

وتیشی “نوێنەرایەتیی هەرێمی كوردستان لەسەر ئاستی فەرمانگە و رێكخراو و تاك لە شارەكانی هەولێر، سلێمانی، كەلار و خانەقین بەچەندین چالاکی کوردانە بەشداری فێستیڤاڵەکە دەکەن”.

له‌هه‌رێمی كوردستانه‌وه‌، پێكهاتەكانی كورد و توركمان و كریستیان و هه‌ریه‌ك له‌ مۆزەخانە و ئەرشیفی پەروەردەی هەولێر، رێكخراوی كوردستان  فۆتۆ و رێكخراوی رێپاك، لەسەر ئاستی تاكیش لە شارەكانی هه‌رێم ژماره‌یه‌ك هونه‌رمه‌ند و چالاكوان بە پیشانگەی شێوەكاری  و نمایشی جلوبەرگی كوردی بەشدارن.

+3