دروستکردنی باراناو لە حاجیاو وێنە: شارەوانی حاجیاوا
چەند باراناوێک دروستکران
حاجیاوا خۆی بۆ باران ئامادە دەکات
964+
ژێوار خدر
شارەوانی حاجیاوا دەستیکردووە بە نۆژەن کردنەوە و رێگەکان و دروستکردنی باراناو لە چەند گەڕەکێکی ناحیەکە و ئامادەکاری دەکات بۆ وەرزی بارین.
سەرۆکایەتی شارەوانی حاجیاوا ئەمڕۆ چوارشەممە4.12.2024 رایگەیاند، لیژنەکانی چاککردنەوەی شارەوانی چەند رێگەیەکیان نۆژەن کردووەتەوە و چەند باراناوێکیشییان لە چەند کۆڵانێک لە هەر یەک لە گەڕەکەکانی: سەردەم، راپەڕین، چوارچرا و کوردستان دروستکردووە.
دەشڵێت، جگە لەو کارانە، مەنهۆڵەکانی هەموو ئەو گەڕەکانەش پاککراونەتەوە، ئەمەش وەکو ئامادەکارییەک بۆ رێگری کردن لە کۆبوونەوەی ئاو و دروستبوونی لافاو.
