دەستبەسەرداگرتنى ئۆتۆمبێلێک لە کەرکوک کە دەرمانى قاچاغى هەڵگرتبوو..وێنە: وەزارەتى ناوخۆى عێراق
کەرکوک
لەسێ رۆژدا شەش ئۆتۆمبێل دەستیان بەسەرداگیراوە کە دەرمانى قاچاغیان پێبووە
964+
وریا فەتاح
لە کەرکوک سێ ئۆتۆمبێل کە دەرمانى قاچاغیان هەڵگرتبوو دەستیان بەسەرداگیرا، لەماوەى سێ رۆژدا ئەوە شەشەم ئۆتۆمبێلە دەستى بەسەردا دەگیرێت کە دەرمانى قاچاغیان هەڵگرتبوو.
وەزارەتى ناوخۆ بڵاوى کردەوە، پۆلیسى وزە لە کەرکوک لە هەڵمەتێکدا لە یەکێک لە گەراجەکانى شارەکە توانیویەتى دەستبەسەر سێ ئۆتۆمبێلدا بگرێت کە دەرمانى قاچاغیان هەڵگرتبوو.
وەک روونى کردووەتەوە، ئۆتۆمبێلەکان 598 کارتۆن دەرمانى قاچاخیان هەڵگرتبوو.
هاوکات سێ رۆژ لەمەوبەر بەڕێوەبەرایەتى نەهێشتنى تاوان و دەزگاى چاودێرى لە وەزارەتى ناوخۆ، توانیان دەستبگرن بەسەر سێ ئۆتۆمبێلدا کە بڕێکى زۆر دەرمانى مرۆیى قاچاغیان هەڵگرتبوو.
وەک ئەوەى باسکراوە، دۆسیەى یاسایى لە دژى هەموویان کراوەتەوە و رەوانەى دادگا کراون.
