بەشدارە لە پێشانگای نێودەوڵەتی کتێب لە سلێمانی
کتێبفرۆشێک لە میسر کتێبی نووسەرانی کوردی فرۆشتووە
964+
دیلان محەمەد – سلێمانی
کتێبفرۆشێک لە وڵاتی میسرەوە هاتووە و بەشدارە لە شەشەمین پێشانگای نێودەوڵەتی کتێب لە سلێمانی، سەرجەم کتێبەکانی لەو وڵاتەوە هێناون.
مەحمود عەزام کتێبفرۆش بە 964ـی وت، “بۆ دووەم جارە دێمە سلێمانی و بەشداری لە پێشانگای نێودەوڵەتی کتێب دەکەم، کتێبەکانیشم لە وڵاتی میسرەوە هێناون”.
باسی لەوەش کرد، دیارە خەڵکی سلێمانی کوردن، بەڵام کتێبی عەرەبیش بازاڕی هەیە و دەفرۆشرێت.
مەحمود عەزام وتیشی، لە میسر کتێبی نووسەرە کوردەکانی هەبووە کە بە زمانی عەرەبی چاپکرابوون و فرۆشتوونی.
پێداچوونەوە: شۆڕش قادری
شەشەمین پێشانگای نێودەوڵەتی کتێب لە سلێمانی دەکرێتەوە
