تیمەكانی چاككردنەوەی كارەبا لە دەربەندیخان
خۆیان كارەبا بەرهەم دەهێنن
کێشەی کارەبای دەربەندیخان چارەسەر کرا
964+
ئەرسەلان عەبدوڵا
كارەبای سلێمانی دەڵێت، كێشەی كارەبای قەزای دەربەندیخانیان چارەسەر كردووە.
بەڕێوەبەرایەتیی گشتیی كارەبای سلێمانی رایگەیاند، دوای ئەوەی بەهۆی کێشەی بارزۆرییەوە لەسەر فیدەری (2)ی دەربەندیخان نزیکەی 50%ی دانیشتووانی دەربەندیخان بێ کارەبا بوون، دوای هەوڵ و ماندووبوونێکی زۆری تیمەکانی هۆبەی چاکسازی لە بەڕێوەبەرایەتیی کارۆئاوی دەربەندیخان و بەڕێوەبەرایەتیی دابەشکردنی کارەبای دەربەندیخان، توانرا کێشەکە چارەسەر بکرێت.
ئاماژەیان بەوەش كردووە، بە گۆڕینی فیدەری 33 کەی ڤی دەربەندیخان لە محاویلەی ژمارە 2ەوە بۆ محاویلەی ژمارە 3 توانیویانە كێشەكە چارەسەر بكەن.
قەزای دەربەندیخان خۆی لە رێگەی بەنداوی دەربەندیخانەوە كارەبا بەرهەم دەهێنێت و لە باشترین بارودۆخدا دەتوانێت 240 -250 مێگاوات كارەبا بەرهەم بهێنێت.
