دیمەنێك لە كۆچبەرەكان لە نێوان سنوری توركیا و یۆنان. وێنە: رۆیتەرز
سێ هاونیشتمانی رزگار کراون
دوو هاوڵاتی کورد لە کەناراوەکانی یۆنان خنکان
964+
ژووری هەواڵ
یەختێکی کۆچبەران کە بە 35 سەرنشینەوە لە رێگەدابووە بۆ یۆنان، لە کەناراوەکان ئەو وڵاتە تێکشکا و بەوهۆیەوە دوو هاوڵاتی کورد خنکان.
ئەمڕۆ پێنجشەممە 28.11.2024، رۆژنامەنوس رەنج پشدەری، بە 964ـی راگەیاند، یەختیکی کۆچبەران لە کەناراوەکانی یۆنان لە دورگەی سامۆس ژێر ئاو کەوت ژن و منداڵیکی کوردی تیا خنکا کە خەڵکی ناوچەی سەروچاوەن لە رانیە.
لەنێو یەختەکەدا 35 سەرنشین هەبوون، پێنجیان کورد بوون، سیانیان رزگار کراون و دووانیان خنکاون کە یەکێکیان منداڵە و “تەمەنی تەنیا 40 شەو”.
لەبارەی هۆکاری ژێرئاوکەوتنی یەختەکە، رەنج پشدەری بە 964ـی وت، “پۆلیسی یۆنان پەلاماری یەختەکەی داوە و ویستویەتی کاپتنەکەی دەستگیر بکات و لەوکاتەدا یەختەکە و سەنشینەکانی ژێرئاو کەوتوون”.
