لە دوانیوەڕۆوە بارانبارین کۆتایى دێت و لە هەندێ شوێن دەیبەستێت

964+

وریا فەتاح

بەپێى پێشبینییەکانى کەشناسى هەرێم، لە دوانیوەڕۆى ئەمڕۆوە بارانبارین کۆتایى دێت، بەڵام لە ناوچە شاخاوییەکان بەفر بارین بەردەوامى دەبێت و پلەکانى گەرماش دەچنە ژێر سفر پلەى سیلیزى.

وەک ئەوەى کەشناسى بڵاوى کردووەتەوە، بۆ ئەمڕۆ ئاسمان بەگشتی نیمچە هەور دەبێت، لە ناوچە شاخاوییە بەرزەکان و سنوورییەکان ئەگەری بارینى کەمێک بەفر هەیە و  سەنتەری پارێزگاکان و سەرجەم ناوچە جیا جیاکانی تر تا کاتەکانی دوای نیوەرۆ ئەگەری باران بارینی پچر پچری هەیە.

جەختیشکراوەتەوە، لە ئێوارەى ئەمڕۆوە کەشەکە جێگیر دەبێت و کاریگەرى ئەم شەپۆلە کۆتایى دێت و ئاسمان بۆ ساماڵ دەگۆڕێت.

لەبارەى کەشى سبەینێ پێنجشەممەوە کەشناسى روونى کردووەتەوە کە ئاسمان ساماڵ دەبێت و کەشوهەوا سارد دەبێت و لە ناوچە شاخاویەکان پلەکان بۆ ژێر سفر پلەى سیلیزى دادەبەزن

بەرزترین پلەکانی گەرمای پێشبینیکراو بە پلەی سیلیزی بۆ رۆژى پێنج شەممە :

هەولێر : ١٣ پلەى سیلیزى

سلێمانی : 11 پلەى سیلیزى

دهۆک : 10 پلەى سیلیزى

کەرکوک : 17 پلەى سیلیزى

هەڵەبجە : 12 پلەى سیلیزى

زاخۆ : 12 پلەى سیلیزى

حاجی ئۆمەران : 2 پلەى سیلیزى

سۆران : 10 پلەى سیلیزى

گەرمیان : 20 پلەى سیلیزى

قەمسەڵەکانتان حازر بکەن؛ 10 سانتیم بەفر دەبارێت