باس له‌ ژینگه‌ و توندڕه‌وى توندوتیژى كراوه‌

هەڵەبجە بەشدارى لە کۆبونەوەی تۆڕی شارە بەهێزەکان كرد

964+

فه‌رهاد حه‌سه‌ن

پارێزگاى هه‌ڵه‌بجه‌ له‌رێگه‌ى نوێنه‌رێكه‌وه‌ به‌شدارى كۆبوونه‌وه‌ى تۆڕی شارە بەهێزەکان كرد، بابه‌ته‌كانى ئه‌مجاره‌ى كۆبوونه‌وه‌كه‌ش بریتی بوون له‌ ژینگ و توندڕه‌وى توندوتیژى.

كۆبوونه‌وه‌كه‌ له‌ وڵاتى ئه‌رده‌ن سازكراو هه‌ڵه‌بجه‌ش یه‌كه‌مجاره‌ به‌شدارى ده‌كات.

فریاد نه‌جمه‌دین، به‌ڕێوه‌به‌رى كۆچ و كۆچبه‌ران و رووبه‌ڕووبونه‌وه‌ى قه‌یرانه‌كان له‌ هه‌ڵه‌بجه‌ به‌ 964ـى وت، کۆبونەوەکە بە مەبەستی ئاڵوگۆڕکردنی چارەسەری داهێنەرانەو فراوانکردنی بازنەی کارکردنی شارەکانی شەش وڵات بووه‌ لە رۆژهەڵاتی ناوەڕاست و باکوری ئەفریقا بۆ رێگریکرن لە توندڕەوی توندوتیژ و رق و جەمسەرگیری.

وتیشی “هەڵەبجە وەک یەکەم شار لە عێراق بەشداری لە کۆبونەوەکەدا کردووه‌و بابه‌ته‌كانیشی باسكردن بووه‌ له‌ ژینگه‌ و توندڕه‌وى توندوتیژى بوو”.

ئاماژه‌ى به‌وه‌كرد، ئه‌وان له‌ هه‌ڵه‌بجه‌ به‌وردى كارى له‌سه‌ر بابه‌تى توندوتیژى توندڕه‌وی كردووه‌ لیژنه‌یه‌كی باڵاى هه‌یه‌ كه‌ زۆربه‌ى فه‌رمانگه‌ حكومییه‌كان تێیدا به‌شدارن و لیژنه‌ى لاوه‌كیشیان دروستكردووه‌ تایه‌بت به‌ خێزان و هونه‌ر و گه‌نجان.

روونیشیكرده‌وه‌، به‌ڕێوه‌به‌رایه‌تییه‌كه‌یان ده‌یه‌وێت له‌رێگه‌ى ئه‌م بابه‌تانه‌وه‌ وڵاتان و رێكخراوه‌كانیان رابكێشێته‌ ناو هه‌ڵه‌بجه‌ بۆ ئه‌نجامدانى پڕۆژه‌ى جیاواز.

له‌ ناوه‌ڕاستى مانگى ئایاری ئه‌مساڵه‌وه‌ پارێزگاى هه‌ڵه‌بجه‌ به‌فه‌رمی كرایه‌ ئه‌ندام له‌ تۆڕى شاره‌ به‌هێزه‌كانى جیهان و له‌سه‌ر وێبسایتى ئه‌م تۆڕه‌ ناوى تۆماركرا.

پێشتر، راستگۆ عادل به‌رپرسی په‌یوه‌ندی و هه‌ماهه‌نگی له ‌ JCCـی پارێزگای هەڵەبجە به‌ 964ـى وتبوو، تۆڕه‌كه‌ تایبه‌ته‌ به‌ شاره‌ به‌هێزه‌كانى جیهان و 230 شار ئه‌ندامن تیایدا.

ئاماژه‌ى به‌وه‌شكرد، ئەم ئەندامێتیە دەرفەتێكی گرنگە بۆ هەڵەبجە، به‌زیاتر كرانه‌وه‌ى بەڕووی کۆمەڵگەی نێودەوڵەتیداو رێگه‌خۆشكه‌ریشه‌ بۆ ئەو پڕۆژانەی کە ئامانجیان بەهێزکردنی گەنجان و ڕەخساندنی هەلی کار و پاڵپشتیکردن و پێشخستنی کەرتی گەشتیارییە.

لینکی ماڵپەڕی فەرمی تۆڕه‌كه‌ :

https://strongcitiesnetwork.org

هەڵەبجە، بووە ئەندامی تۆڕی شارە بەهێزەکانى جیهان

هەڵەبجە، بووە ئەندامی تۆڕی شارە بەهێزەکانى جیهان