دەروازەی نێودەوڵەتی باشماخ لە قەزای پێنجوێن _ وێنە: راگەیاندنی کۆمەڵگەی باشماخ
لەسەی ئاستی دەروازەکانی ئێران
لەڕووی بڕی هەناردە و هاوردە دەروازەى باشماخ بووە سێیەم
964+
ژووری هەواڵ
بەگوێرەی بڕی ترانزێتی کاڵای ئێرانی، دەروازەى نێودەوڵەتی باشماخ لە دوای دەروازە سنوورییەکانی بەندەر عەباس و پەروێزخان، پلەى سێیەمی گرتووە.
ئەمڕۆ سێشەممە 19.11.2024، حەمید رەزا عەبدولمەلەکی، بەڕێوەبەری دەروازەی سنووری باشماخ لە بەرى ئێران بە میدیای وڵاتەکەی رایگەیاند، بڕی هەناردەی و هاوردەی کاڵا و شتومەک لە سنووری باشماخەوە لە حەوت مانگی رابردوودا گەیشتووەتە دوو ملیۆن و 208 هەزار تۆن.
بڕی هەناردە و هاوردە لەو دەروازەیەوە، بەراورد بە هەمان ماوەی ساڵی رابردوو بەڕێژەی 80% زیادیکردووە، حەمید رەزا عەبدولمەلەکی وای وت.
ئەو زیادکردنەی کە لە هەناردە و هاوردەدا تۆمارکراوە، دەروازەی باشماخ دەکات بە سێیەم دەروازەی ترانزێت لە دوای دەروازە سنوورییەکانی بەندەرعەباس و پەرێزخان.
