دیمەنێکی بارهەڵگرەکان لە مەرزی کێلێ... وێنە؛ سۆشیاڵ میدیای مەرزی کێلێ.
مه‌ترسین بۆ رووداوى هاتوچۆ
60 مەتری قه‌ڵادزێ بۆ پارككردنى بارهه‌ڵگرانى مه‌رزى كێلێ قه‌ده‌غه‌كرا
964+
فه‌رهاد حه‌سه‌ن
هاتوچۆى راپه‌ڕین ده‌ڵێت، هه‌ندێك شوێنیان له قه‌ڵادزێ قه‌ده‌غه‌كردووه كه بارهه‌ڵگرانى مه‌رزى كێلێ پاركینگی لێبكه‌ن، چونكه ده‌ڵێت وه‌ستانیان به‌م شێوه‌یه ده‌بێته هۆى دروستبوونى رووداوى هاتوچۆ.
ئاگادارى خاوه‌نى ئه‌م بارهه‌ڵگرانه كراوه‌ته‌وه، كه به‌هیچ شێوه‌یه‌ك له شه‌قامى 60 مه‌ترى قه‌ڵادزێ بارهه‌ڵگره‌كانیان رانه‌گرن یاخود عه‌ره‌بانه‌ى بارهه‌ڵگره‌كانیان به‌جێبهێڵن و خۆشیان دووربگرن له راگرتنیان به‌تایبه‌تیش له‌و شوێنانه‌ى كه پێچه‌وانه‌ى ئاڕاسته‌ى شه‌قامه‌كان رایده‌گرن.
ئاماژه به‌وه‌شكراوه، دواى ئاگاداركردنه‌وه‌یان هه‌ر شوفێرێك سه‌رپێچی بكات رووبه‌ڕووى رێگدكارى یاسایی ده‌كرێته‌وه و سزاش ده‌درێت.
