دانانی کامێرای خاڵ بۆ خاڵ لە رێگەی سلێمانی - چەمچەماڵ وێنە :964
رێگەی سلێمانی - چەمچەماڵ
کامێراکانی تۆمارکردنی خێرایی وێنەی ئەو کەسانە دەگرن پشتێنیان نەبەستوە
+964
ژووری هەوال
کامێراکانی سەر رێگای سلێمانی – چەمچەماڵ کارەکانیان تەواو بووە و چاوەڕوانی بڕیاری وەزارەتن بۆ کەوتنەکاریان.
عەمید ئاسۆ محەمەد بەڕێوەبەری هاتوچۆی سلێمانی بە 964 وت، ئێستا کامێراکانی تۆمارکردنی تیژڕەوی سەر رێگای سلێمانی- چەمچەماڵ کارکردن تێیاندا تەواو بووە و ئامادەن، تەنیا چاوەڕوانی لیژنەیەکن لە وەزارەتی ناوخۆوە سەردانیان بکەن و بخرێنەکار.
باسی لەوەش کرد، کامێراکان لە رێگەی ئەو لیژنەیەی وەزارەتی ناوخۆ دەخرێنەکار و لە داهاتوویەکی نزیکدا دەبێت.
عەمید ئاسۆ ئەوەشی باسکرد، کامێراکانی تۆمارکردنی خێرایی وێنەی ئەو شۆفێرانەش دەگرن کە مۆبایل بەکاردەهێنن و پشتێنی سەلامەتی نابەستن، بەڵام تا ئێستا هیچ سزایەکیان لەسەر دانەناوە و نەچووەتە بواری جێبەجێکردنەوە.
ئەو دەڵێت: لە سلێمانی تەنیا لە رێگەی مەفرەزەکانەوە لێپێچینەوە دەکەن و سزای ئەو شۆفێرانە دەدەن کە مۆبایل بەکاردەهێنن و پشتێنی سەلامەتی نابەستن”.