11 کیلۆگرام
لە غینیاوە کۆکاینى هێنابوو لە هەولێر دەستگیرکرا
964+
ژووری هەواڵ
بەرێوەبەرایەتی گشتی نەهێشتنی مادە هۆشبەرەکان دەستگیر کردنی کەسێکی بەتۆمەتی بازرگانیکردن بە مادەی هۆشبەر راگەیاند و دەڵێت، کۆکاینی لە غینیاوە بۆ هەرێمی کوردستان هێناوە.
ئەمڕۆ یەکشەممە 10.11.2024، بەرێوەبەرایەتی گشتی نەهێشتنی مادە هۆشبەرەکان رایگەیاند، لە هەولێر بازرگانێکی بیانی دەستگیرکرا و بڕی11 کیلۆگرام مادەی هۆشبەر لە جۆری کۆکاین دەستی بەسەرداگیرا.
پرۆسەی دەستگیر کردنی تۆمەتبارەکە “چەند هەفتەیەکی” پێچووە و دواجار لە 8.11.2024 دەستگیر کراوە، بەرێوەبەرایەتی گشتی نەهێشتنی مادە هۆشبەرەکان دەڵێت، تۆمەتبار چەندین ساڵە لەم جۆرە بازرگانیە تێوەگلاوە.
تۆمەتبار پەڕاوی لێکۆڵینەوەی بۆکراوەتەوە و بەپێی یاسای بەرەنگاربونەوەی مادە هۆشبەرەکان و کارتێکەرەئەقلەیەکان مامەڵەی لەگەڵدا دەکرێت.
