ئۆتۆمبێلێک لە تونێڵی پێشڕەو گڕی گرت

+964

ژێوار خدر

لە تونێڵی پێشڕەو ئۆتۆمبێلێکی تایبەت لە جۆری رینۆ گڕی گرت و جگە لە سووتانی ئۆتۆمبێلەکە، هیچ زیانێکی گیانی نەبوو.

ئێوارەی ئەمڕۆ پێنجشەممە 7.11.2024، هاتوچۆی شارباژێڕ رایگەیاند، دوای گڕگرتنی ئۆتۆمبێلێک لە تونێڵی پێشڕەو، خێرا توانرا لەلایەن کارمەندانی هاوچۆی قەزای شارباژێڕ تیمەکانی ئاوەدان کردنەوە و پێشمەرگەکانی سکرتاریەت ئاگرەکە کۆنتڕۆڵ بکرێت.

دەشڵێت، جگە لە زیانێکی مادیی کەم، هیچ زیانێکی گیانی نەبووە.

هاتوچۆی شارباژێڕ رێنمایی شۆفێرانیش دەکات لە کاتی گڕگرتنی ئۆتۆمبێلەکانیان لە تونێڵەکاندا، راستەوخۆ تیمەکانی هاتوچۆ یان ئاوەدانکردنەوە ئاگادار بکەنەوە، بۆ ئەوەی بە زوویی بگەنە شوێنی رووداو و هەرچی زووە کۆنتڕۆڵی بکەن، تا هەمولایەک بەدووربن لە رووداوی نەخوازراو .

ساتى گڕگرتنى ئۆتۆمبێلێک لە تونێلى پیرمام