ساتی کردنەوەی پێشانگاکە. فۆتۆ پارێزگای هەولێر
بەردەم پارکی شانەدەر
بەرهەمی نزیکەی 100 هەنگەوان دەبرێنە پێشانگایەک لە هەولێر
964+
ژووری هەواڵ
بەرهەمی نزیکەی 100 هەنگەوانی کوردستان دەبرێنە پێشانگایەک لە هەولێر و نمایش دەکرێن، پارێزگاری هەولێریش دەڵێت، دەیانەوێت یارمەتی جوتیاران بدەن بۆ ساغبوونەوەی بەرهەمەکانیان.
پێشانگاکە ئەمڕۆ چوارشەممە 7.11.2024 لەبەردەم پارکی شانەدەر کرایەوە و بڕیارە بۆ ماوەی دوو رۆژ بەردەوام بێت.
ئومێد خۆشناو، پارێزگاری هەولێر رایگەیاند، بەشێک لە هەنگەوانانی پێشانگاکە لە پارێزگاکانی دیکەی هەرێمی کوردستانەوە بەشداریان کردووە و جگە لە هەنگوین، کاری دەستی و خواردن و میوە نمایشدەکرێن.
“بە مەبەستی گرنگیدان بە بەرهەمی ناوخۆیی، لەگەڵ کۆمەڵگەی هەنگەوانان، پێشانگایەک کرایەوە بۆ بەرهەمی هەنگوینی سروشتی و 100 شوێن بۆ هەنگەوانان ئامادە کراوە”، ئومێد خۆشناو وای وت.
