یارییەکی پێشووی کلاسیکۆ لە نێوان ریال مەدرید و بارسێلۆنا...فۆتۆ: EFE
دوو كلاسیكۆی دیكه ده‌بینین
964+
ئه‌رسه‌لان عه‌بدوڵڵا – هه‌ولێر
تیروپشكی قۆناغی پێش كۆتایی جامی شای ئیسپانیا راكێشرا، هه‌وادارانی تۆپی پێ دوو كلاسیكۆی دیكه له‌م وه‌رزه‌دا ده‌بینن.
فیدراسیۆنی تۆپی پێی ئیسپانیا، تیروپشكی قۆناغی پێش كۆتایی جامی شای ئیسپانیای ئه‌نجام دا، كه تێیدا ریال مه‌درید كه‌وته به‌رامبه‌ر بارسێلۆنا، هه‌روه‌ها له یارییه‌كه‌ی دیكه‌دا ئۆساسۆنا و ئاتلێتیك بیلباو به‌یه‌ك ده‌گه‌ن.
یارییه‌كانی چوونی پێش كۆتایی جامی شای ئیسپانیا، به‌م شێوه‌یه ده‌بن:
ئۆساسۆنا – ئاتلێتیكۆ مه‌درید
یاریی چوون 16ی شوبات
یاریی گه‌ڕانه‌وه 2ی ئادار
ریال مه‌درید – بارسێلۆنا
یاریی چوون 1ی ئادار
یاریی گه‌ڕانه‌وه 5ی نیسان.
به پێی خشته‌كه یاریی چوونی كلاسیكۆ له یاریگه‌ی ریال مه‌درید ده‌بێت و یاریی گه‌ڕانه‌وه له یاریگه‌ی بارسا.
ئه‌م وه‌رزه هه‌ردوو یانه له لالیگا یه‌كه‌م یارییان به‌یه‌كه‌وه كرد، ریال مه‌درید به 3-1 گۆڵ براوه بوو، دواتر له یاریی كۆتایی جامی سوپه‌ری ئیسپانیا له سعوودیه رووبه‌ڕووبوونه‌وه، بارسا به 3-1 گۆڵ بردییه‌وه.
جگه له دوو یاریی پێش كۆتایی جامی شای ئیسپانیا، هێشا یارییه‌كی دیكه‌شیان له لالیگا ده‌مێنێت، كه ئه‌ویش له 19ی ئادار ده‌كرێت.