رۆژی 18ـى ئه‌م مانگه‌ دەنگدانی تایبەت لە 10 شاری عێراق بەڕێوەدەچێت

964+

فه‌رهاد حه‌سه‌ن

رۆژى هه‌ینى داهاتوو ده‌ستنیشان كراوه‌ بۆ به‌ڕێوه‌چوونى ده‌نگدانى تایبه‌ت بۆ هه‌ڵبژاردنى په‌رله‌مانى كوردستان و به‌پێی داتاكانى كۆمسیۆنی باڵاش 163 بنكه‌ له‌ شاره‌ جیاوازه‌كان بۆ ده‌نگدانى هه‌ڵبژاردنى گشتى دیاریكراون.

پێشتر سه‌رۆكایه‌تیى هه‌رێمی كوردستان رۆژى 20.10.2024 دیاریكرد بۆ به‌ڕێوه‌چوونى هه‌ڵبژاردن په‌رلەمانى هه‌رێمی كوردستان.

مه‌ڕوان محه‌مه‌د، به‌رپرسی لقی هه‌ولێری كۆمیسیۆنى باڵاى سه‌ربه‌خۆى هه‌ڵبژاردنه‌كانى عێراق، به‌ 964ـى راگه‌یاند رۆژى هه‌ینى 18.10.2024 ده‌نگدانى تایبه‌ت بۆ هه‌ڵبژاردنه‌كه‌ به‌ڕێوه‌ده‌چێت.

به‌پێی داتاكانى كۆمیسیۆن كه‌ پێشتر بڵاویكردووه‌ته‌وه‌، پرۆسەی دەنگدانی تایبەت لە 10 پارێزگای عێراق بۆ پەرلەمانی کوردستان بەڕێوە دەچێت و زیاتر لە 215 هەزار کەس مافی دەنگدانی هەیە.

163 بنكه‌ و 750 وێستگه‌ بۆ ده‌نگدا له‌ پارێزگاكان داندراون، به‌م شێوه‌یه‌:

هەولێر 62 بنکە، دابەشی سه‌ر 306 وێستگە کراوە

سلێمانی 57 بنکە، دابەشی سه‌ر 276 وێستگە کراوە

دهۆك 33 بنکە، دابەشی سه‌ر 142 وێستگە کراوە

هەڵەبجە یەک بنکە دابه‌شی سه‌ر چوار وێستگە كراوه‌

نەینەوا چوار بنکە دابەشی سه‌ر پێنج وێستگە کراوە

بەغدا لە ناوچەی کەرخ و رەسافە دوو بنکەیە، دابەشی سه‌ر 10 وێستگە کراون

کەرکووک یەک بنکە و یەک وێستگەی هه‌یه‌

پارێزگاكانى واست و دیالە و سەڵاحەدین، یەکی یەک بنکەیان هەیە و دابەشی سه‌ر شه‌ش وێستگە کراون.

کۆمسیۆن بنکەکانی دانگدانی تایبەتی دیاری کرد