بچن بایەعی حەوتەم بۆ دانیشتووانی هەولێر وەربگرن

964+
ئەحمەد مستەفا

بەڕێوەبەرایەتی بازرگانی کەلوپەلی خۆراک لە هەولێر، سەرجەم بنکەکانی ناوەندی شار و دەرەوە ئاگادار دەکات، بریکارەکانیان سبەی یەکشەممە 6.10.2024، بچن بۆ وەرگرتنی بەشە خۆراکی حەوتەم، بیریشیان نەچێت پارەی لیستی مانگی نۆ لەگەڵ خۆیان ببەن.

بەشەخۆراکی وەجبەی حەوتەم پێکهاتووە لە:
1- زەیتی “الدار” – یەک لیتر (920 گرام)
2- شەکر – یەک کیلۆگرام.
3- بـرنج – سێ کیلۆگرام.
4- نیسک – 250 گرام.
5- ماش – 250 گرام.
6 – ئارینۆک – 250 گرام.
7 – نۆک – 250 گرام.
8 – دۆشاوی تەماتەی – 400 گرام (سەبەتەی هەشتەم)

بەڕێوەبەرایەتییەکە ئەمڕۆ شەممە 5.10.2024، لە بڵاوکراوەیەکدا دەڵێت، بریکارەکان سەرەتا دەبێت سەردانی بەڕێوەبەرایەتی رێکخستنی پسووڵەی خۆراكی هەولێر( تموین ) بکەن بۆ وەرگرتنی پسووڵەی ( وصل) ی پێنج هەزاری پاشان لیستی بریکاری لە بەڕێوەبەرایەتی بازرگانی کەل و پەلی خۆراک وەربگرنەوە.

ئاماژەی بەوەش کردووە، بۆ وەرگرتنەوەی لیستی بریکاری خۆراک و شێوازی پارەدان، بریکار دەبێت بە ڤیزا کارد پارەکە بدات، لەگەڵ دابەشکردنی سەبەتەی حەوتەمی خۆراک دۆشاوی تەماتەی سەبەتەی هەشتەم دابەش دەکرێ هەر لەسەر لیستی بریکاری مانگی 9.2024.

بریکارانی بەشە خۆراک دەبێت بە ڤیزە کارد پارە بدەن