لە بیابانەوە بۆ پێشەنگی وڵاتانی جیهان

+964

ژووری هەواڵ

ئەو سەرکردەیەی خۆی کردە باوکی میلەتەکەیی و وڵاتەکەی لە سەحرایەکی وشک و برن و گوندێکی ماسی گرتنی کردە گەورەترین وڵاتی سەرمایەداری و پێشەنگی وڵاتانی دنیا، کردیە خاوەن بەهێزترین پاسپۆرتی جیهان و بەڵام هێشتا خێرخوازێکی چڕ و پڕیش بوو.

ئەو شێخ زاید بن سوڵتان ئالنەهیانە، خاوەنی دەوڵەتە حەوت شانشینەکە بوو، ئیماراتی عەرەبیی یەکگرتوو.

ئەو بە باوکی میللەت ناسراوە بەهۆی ڤۆڵی لە پێکهێنانی ئیماراتی عەرەبی، شێخ زاید بن سوڵتان ئەلنەهیان یەکەم سەرۆکی ئیمارات بوو لە دوای پێکهێنانی ئیمارات لە دووی کانوونی دووەمی 1971ەوە، ئەو لەم پۆستەدا بوو تا ساڵی 2004 .
لە ساڵی 1966 تا 2004 وەک فەرمانڕەوای میرنشینی ئەبوزەبی و ئیماراتی عەرەبی کاری کردووە

شێخ زاید گوێگرێکی باش و ناوبژیوانێکی باش بوو، هەمیشە لە ناکۆکییەکاندا بێ لایەن بوو.
هەروەها بە هێمنی و حیکمەتی ژیرانەی بەناوبانگ بوو، ئەو سیفەتانەی بوونە هۆکار و نازناوی ‘پیاوی دانای عەرەب’یان پێبەخشی.

شێخ زاید لە هەشتا ساڵی تەمەنیدا بوو، كاتێك نەخۆشی شەکرە و گورچیلەکانی بەرۆکیان پێگرت و بەریان نەدا، تا دایان بە ئەرزدا و بەچاوی داخراو و لە لوتکەی ئارامیدا لەناو میللەت و کەسوکاریدا لە مزگەوتی گەورەی ئەبوزەبی کۆچی دوایی کرد، دنیایەک میهرەبانی و نیشتمانپەروەری و هەستی داهێنانی نوێگەری وەک سەرمایە بۆ منداڵەکانی و بۆ گەلەکەی جێهێشت.