لە دوو رۆژدا ئەمە چوارەم حاڵەتە
جارێکی ديکە تەنکەرێک لە دەربەندیخان وەرگەڕا
964+
شۆڕش قادری
جارێکی دیکە تەنکەرێکی هەڵگری سووتەمەنی لە دەربەندیخان وەرگەڕا و نەوتی رەش بە شەقامدا بڵاوبووەوە.
سلێمان محەمەد قائیمقامی دەربەندیخان بە 964ـی وت، “ئەمشەو 23.9.2024 تەنکەرێکی پڕ لە سووتەمەنی لە دەروازەی شار وەرگەڕاوە و نەوتی رەش بەناو شەقامەکەدا بڵاوبووەتەوە”.
“رێگای تونیڵی دەربەندیخان کراوەیە بەڵام لە جووت سایدی ناو دەربەندیخان رێگاکە گیراوە و ئاستەنگی هاتوچۆ دروست بووە”، سلێمان محەمەد وای وت.
ئاماژەی بەوەش کرد، لە دوێنێوە ئەمە چوارەم حاڵەتی وەرگەڕانی تانکەرەکە و خەریکە لە حاڵەتەوە دەبێت بە دیاردە.
