بەفرەکەی ئەمساڵ ناگاتە نیوەی پار
964+
زۆسک باڵەک
لە ئێوارەی دوێنێ شەممەوە بەفر لە ناوچە سنورییەکانی پشدەر و بتوێن و سۆران دەبارێت، تاوەکو ئێستا لەناو سەنتەری قەزای چۆمان 21 سانتیم باریوە، بەڵام ساڵی رابردوو ئەم کاتانە زیاتر لە 60 سانتیم بەفر باریبوو، ئەمە بە وتەی شارەوانی چۆمان.
بەو بەفر بارینەی ئەم چەن رۆژە، رێژەی بەفرەکەی ئەمساڵ گەیشتووەتە 25 سانتیم لەو دەڤەرە، ئەوە جگە لەوەی 238 ملیم بارانیش باریوە.
هەر بەپێی ئاماری کشتوکاڵی چۆمان، لە 2022 ئەم کاتانە، 66 سانتیم بەفر لە سەنتەری چۆمان باریبوو لەگەڵ 435 ملیم باران.
لە 2021 ئەم کاتانە، تەنیا 5 سانتیم بەفر و 340 ملیم باران باریبوو.
بەپێی زانیارییەکان، لەم چەند رۆژەدا، کەمترین بەفر لەو دەڤەرە لە ناوەندی قەزای سۆران باریوە بە 10 سانتیم، زۆرترینیش لە سیدەکان بە 30 سانتیم.