سەگەکانی عەربەت چارەسەر دەکرێن

+964

دیلان محەمەد جەزا

ئێوارەی ئەمڕۆ ژمارەیەک چالاکوانی بواری ئاژەڵان چوونە ناحیەی عەربەت بۆ کۆکردنەوەی ئەو سەگانەی چەند رۆژێکە لەوێ بڵاوبوونەتەوە.

شادیە عەلی سەرۆکی رێکخراوی هانای ئاژەڵان بە 964 وت، ئەمڕۆ چونەیە ناحیەی عەربەت، تایبەت بە کۆکردنەوەی ئەو سەگانەی چەند رۆژێکە لە ناحیەکە بڵاوبوونەتەوە.

باسی لەوەش کرد، ئەمڕۆ بە هاوکاری بەڕێوەبەری ناحیەی عەربەت خواردن براوە بۆ سەگەکان و چارەسەری پزیشکیش بۆ سەگەکان دەکرێت، لەبەرئەوەی زۆربەیان تووشی گەڕی بوون.

هەروەها وتی، چەند شایەتحاڵێک بینیویانە سەگەكان بە ئۆتۆمبێل هێنراونەتە عەربەت و گوێچکەشیان تاگی پێوەیە و نەزۆک کراون و لە هەوڵی دوورخستنەوەیانن.

دوێنێ ژمارەیەک مامۆستا و چالاکوانی خۆجێی لە عەربەت، لە دادگا سکاڵای یاساییان لە دژی شارەوانیی سلێمانی تۆمارکرد، ئەوەش لەسەر ئەو سەگە گەڕ و بەرەڵایانەی پێشتر، “بەڕێوەبەری ناحیەکەیان وتبووی شارەوانیی سلێمانی لە عەربەت بڵاوەی پێ کردوون”.

شارەوانی سلێمانی بەهۆی سەگە گەڕەکانەوە سکاڵا باران دەکرێ