ژمارەیەک هاوڵاتی کە دەیانەوێت بچن بۆ عومرە - وێنە: بەڕێوەبەرایەتی حەج و عەمرە
سبەینێ هەینی دەگەڕێنەوە
کێشەی گەڕانەوەی عومرەکارانی هەرێم چارەسەر کرا
964+
توانا نەقی
کێشەی گەڕانەوەی ئەو عومرەکارانەی لە وڵاتی سعوودیە گیریان خواردبوو بە قسەی حەج وعومرەی هەرێم چارەسەر کراوە.
کەمێک پێش ئێستا بە بەڕێوەبەرایەتی گشتی حەج و عومرەی هەرێم بڵاویکردەوە، بەهەوڵی بەرداوامی حکومەتی هەرێم توانراوە ئەو کێشەیە چارەسەر بکرێت و لە سبەینێەوە دەست دەکرێت بە گەڕاندنەوەیان.
شێخ نیاز راغب نەقشبەندی بەڕێوەبەری گشتی حەج و عومرەی کوردستان رایگەیاند، گرفتی گەڕانەوەی عومرەکارانی کوردستان لە سعوودیە چارەسەر کراوە و لە سبەی رۆژی هەینی 20.9.2024 گەشتەکانی عومرە بە شێوەی چوون و گەڕانەوە بۆ عەرەبستانی سعوودیە دەستپێدەکەنەوە.
ماوەی چەند رۆژێکە بەهۆی کێشەیەک لە رێکخستنی گەشتەکاندا لە لایەن هێڵی ئاسمانی عیراقییەوە ژمارەیەک لە عومرەکارانی کوردستان و عێراق لە سعوودیە گیریان خواردبوو ئەم کێشەیە تەنانەت گەشتەکانی نێوان عیراق و وڵاتانی دیکەیشی گرتبووەوە.
