136مین پێشانگای نێودەوڵەتی هاوردە و هەناردە لە چین دەکرێتەوە

964+

شۆڕش قادری

136مین پێشانگای نێودەوڵەتی هاوردە و هەناردە لە  وڵاتی چین بە سێ قۆناغ لە دەکرێتەوە.

مەعروف هەرکی جێگری ژووری بازرگانی و پیشەسازی هەولێر بە 964ـی وت، “بازرگانان، خاوەن کۆمپانیا، خاوەنکار و پیشەوەران ئاگادار دەکەینەوە  کە 136مین پێشانگای نێودەوڵەتی هاوردە و هەناردە (کانتۆن) لە شاری گوانژۆ لە وڵاتی چین بە سێ قۆناغ لە رۆژانی 15ی مانگی داهاتوو بۆ 4.11.2024 دەکرێتەوە”.

“قۆناغی یەکەم لە 15 بۆ 19ی مانگی داهاتوو و لە سێکتەرەکانی، ئەلیکترۆنیات و بەرهەمی زانیاری، ئامێرە کارەباییەکانی ناوماڵ، پارچەی یەدەگ، ئامێری ڕووناکی، بەرهەمە کارەباییەکان، ڕەقە کاڵا و ئامرازی جۆراوجۆر دەبێت،” مەعروف هەرکی وای وت.

هەروەک قۆناغی دووەم لە 23 بۆ 27ی مانگی داهاتوو و  لە سێکتەرەکانی، سیرامیك، کەلوپەلی ناوماڵ، کەلوپەلی چێشتخانە، کەلوپەلی نوسینگە، بنیاتنان، بەرهەمەکانی ئاسن، بەرهەمەکانی باخداری، دیکۆراتی ماڵ، بەرهەمی میوزیك و هۆڵ، دیاری، کەلوپەلی هونەری شووشەیی، سیرامیکی هونەری، کاتژمێر، کەرەستەی بیناسازی، ئامێری تەندروستی و مۆبیلیات دەبێت.

قۆناغی سێیەمیش لە 31.10.024 بۆ 4.11.2024 و لە سێکتەرەکانی، قوماش، فەرش و تابلۆ، جلوبەرگی پیاوان و ئافرەتان، جلوبەرگی وەرزشی، پەڕ، چەرم، ئیکسسوارات و مۆدە، کەرەستەی خاو، پێڵاو، جانتا، خواردن، بەرهەمی وەرزشی، سەفەر و کات بەسەربردن، دەرمان، بەرهەمی تەندروستی و ئامێری پزیشکی، بەرهەمی ئاژەڵە ماڵیەکان و خۆراك، کەلوپەلی تەوالێت، بەرهەمی چاودێری کەسی، پێداویستی ئۆفیس، یاری و جلوبەرگی منداڵان.

مەعروف هەرکی وتیشی، هەر بازرگانێک و پیشەورێک دەتوانێت بەشداری پێشانگاکە بکات و بۆ زانیاری زیاتر و بەشداریکردن، دەتوانن سەردانی ژووری بازرگانی و پیشەسازی هەولێر – بەشی پەیوەندیەکان بکەن.

بەردەم پێشانگای نێودەوڵەتی لە سلێمانی سەوز دەکرێت

پێشانگایەکی نێودەوڵەتی بۆ کەرتی تەندروستی لە بەغدا دەکرێتەوە