ناو بازاڕی رانیە وێنە: سۆشیاڵ میدیا
بەهۆی نۆژەن کردنەوەی ناو بازاڕاوەیە
ناو بازاڕی رانیە تا رۆژی شەممە بێ کارەبا دەبێت
+964
ژێوار خدر
لە دوێنێ چوارشەممە 11.9.2024ەوە دوکانەکانی ناو بازاڕی رانیە بێ کارەبان و تا رۆژی شەممە 14.9.2024یش هەروا دەمێننەوە، بەڕێوەبەری کارەبای راپەڕینیش دەڵێت، تۆڕی کارەباکەش لەگەڵ سیمای ناو بازار نوێ دەکرێتەوە و گۆڕانکاری تێدا دەکرێت.
عەلی محەمەد، بەڕێوەبەری کارەبای راپەڕین بە 964ـی وت، لە دوێنێوە کارەبای دوکانەکانی ناو بازاڕی رانیە کوژاوەتەوە و تا رۆژی شەممەش کارەبایان نابێت، ئەوەش بەهۆی نۆژەن کردنەوەی ناو بازاڕەوەیە.
وتیشی، گۆڕانکاری لە تۆڕی کارەباکەشدا دەکەین، بەشێوەیەک سیمایەکی جوانتر بە ناو بازاڕەکە ببەخشێت و %50ـی وەیارەکان دفن دەکرێن، مۆلیدەکانیش رێک دەخرینەوە و دابەش دەکرێن بەسەر دوو بەشدا بۆ ئەوەی ئەو جەنجاڵی و قەرەباڵخیەی لە گواستنەوەی وەیارەکاندا دروست دەبێت کەم بکرێتەوە و ئەو سیمایە ناشیرینەی جارانی نەمێنێت.
