بەنداوی چاڵاو لە سنووری قەزای چەمچەماڵ _ وێنە: ئاودێری سلێمانی
لە چەمچەماڵە
ئەم زستانە بەنداوەکەی گوندی چاڵاو ئاو کۆگا دەکات
964+
ئەحمەد مستەفا
بەنداوی چاڵاو لە سنوری قەزای چەمچەماڵ، %85ی کارەکانی تەواوە بووە، بە قسەی قایمقامیەتی چەمچەماڵ بێت، زستانی ئەمساڵ ئاو کۆگا دەکات.
بەڕێوەبەری ئاودێری پارێزگای سلێمانی و قایمقامیی چەمچەماڵ سەردانی بەنداوەکەیان کرد، کە بە گوژمەی 560 ملیۆن دینار دروستدەکرێت، و لەتوانایدایە 300 هەزار مەتر سێجا ئاو گل بداتەوە.
قایمقامیەتی چەمچەماڵ لە بڵاو کراوەیەکدا لە فەیسبووکی خۆی نوسیوویەتی، بەتەواوبوونی بەنداوەکە دەتوانرێت بۆ بواری ئاودێری و کشتوکاڵ و ئاژەڵداری و سامانی ماسی و گەشتوگوزار سودی لێ وەربگیرێ، هەروەک سودێکی گەورە بە سروشتی ناوچەکە و ئاژەڵەکێوییەکان دەگەیەنێت.
ئەوەشی وتووە، بڕیارە لەماوەیەکی کەمدا کارەکانی بەنداوەکە تەواو بکرێت و تیمەکان ئەوپەڕی توانای خۆیان خستۆتەگەڕ بۆ ئەوەی لە وەرزی زستانی داهاتوودا ئاو لە بەداوەکەدا کۆبکرێتەوە.
10 ساڵە بۆریی ئاوی چەمچەماڵ لە شکان نەکەوتووە
فەرمانگەیەکی تایبەت بە پڕۆژەی ئاوی گۆپتەپە – چەمچەماڵ کرایەوە
