سەرۆک کۆماری ئێران بەرەو بەغدا بەڕێکەوت

964+

شۆڕش قادری

سەرۆک کۆماری ئێران بەرەو بەغدا بەرێکەوت و بڕیارە سەردانی هەولێر و سلێمانیش بکات.

بەرەبەیانی ئەمڕۆ چوارشەممە 11.9.2024 مەسعود پزیشکیان سەرۆک کۆماری ئێران بە یاوەری شاندێکی باڵا و ژمارەیەک لە وەزیرەکانی لە فڕۆکەخانەی مێهرابادی تارانەوە بەرەوە بەغدا بەڕێکەوت و پێش بەڕێکەوتنی، لە کۆنفڕاسێکی رۆژنامەنووسیدا وتی، سەردانی بەغدا و شارە شیعەنشینەکان دەکات و دواتریش سەردانی هەولێر و سلێمانی دەکات.

عەباس عێراقچی وەزیری دەرەوەی ئێرانیش رایگەیاند، “لەم سەردانەدا 15 یادداشنامەی لێکتێگەیشتن لە نێوان عێراق و ئێران ئیمزا دەکرێن.

ئەم سەردانەی مەسعود پزیشکیان لەسەر بانگهێشتی محەمەد شیاع سودانی سەرۆک وەزیرانی عێراق ئەنجام دەدرێت و یەکەم سەردانێتی بۆ دەرەوەی وڵات دوای بوون بە سەرۆک کۆمار، سەردانەکەشی سێ رۆژ دەخایەنێت.

نێچیرڤان بارزانی بۆ پزیشکیان: گەشتیاران زیاتر لە هەرێمەوە هاتوچۆ بکەن

پزیشکیان دێتە هەولێر