دانیشتووانی خورماتوو چاوەڕوانی تاپۆکردنی خانووەکانیانن

+964

سیرون خورشید – دوزخوماتوو

ساڵێک و پێنج مانگ بەسەر بڕیاری تاپۆکردنی خانووە زیادەڕۆکانی قەزای خورماتوو تێدەپەڕێیت، بەڵام تاکو ئیستا بڕیارەکە جێبەجێ نەکراوە.

مەرعی رەشید ئەلبەیاتی، بەڕێوبەری شارەوانی خورماتوو بە 964ـی وت، “بەبڕیاری سەرۆک وەزیرانی عێراق لە بەرواری 2023.4.5وە، دەستمان کردووە بە وەرگرتنی مامەڵەی خاوەن خانووە زیادەڕۆکان بۆ تاپۆ کردن.

وتیشی، سەرجەم رێکارەکانمان تەواو کردوون، ژمارەی ئەو خانووانەی تاپۆیان نییە زیاتر لە حەوت هەزار و 400 خانووە و بەفەرمانی سەرۆک وەزیران ئێستا دروستکردنی خانووی زیادەڕەو و تاپۆکردنیان بەتەواوی راگیراوە.

روونیشیکردەوە، ھەر کەس سەرپێچی بکات رووبەڕووی یاسا دەکرێتەوە.

”چاوەڕێی بریاری سەرۆک وەزیرانین بۆ ئەوەی تاپۆکردنی خانووە زیادەڕەوەکان دەستپێبکاتەوە، لەئێستاشدا بڕیاردراوە سەرجەم پڕۆژەکان بۆ ئەو شوێنانە جێبەجێ بکرێن کە خانووە زیادەڕەوەکانی لێیە، لەماوەیەکی نزیکدا دەست بەجێبەجێکردنیان دەکرێت”. مەرعی رەشید وای وت.

پیداچوونەوە: ژێوار خدر