لۆگۆی بەڕێوەبەرایەتیی تەندروستیی کۆیە
كۆیە خۆی لە سكچوون و رشانەوە دەپارێزێت
964+
ئەرسەلان عەبدوڵا
ته‌ندروستیی كۆیه بۆ خۆپارێزی لە پەتای سكچوون و رشانەوە، بڕیاری دا سه‌وزه و ماستاو و شه‌ربه‌ت له ته‌واوی چێشتخانه و كه‌بابخانه‌كاندا قه‌ده‌غه بكرێت.
بەڕێوەبەرایەتیی ته‌ندروستیی كۆیه ئەمڕۆ یەكشەممە 8.9.2024 بڵاویكرده‌وه، بۆ رێگریكردن و خۆپارێزی لە سكچوون و رشانه‌وه و نه‌خۆشییه گوازراوه‌كان، پاڵپشت به بڕیاری به‌شی خۆپاراستنی ته‌ندروستیی كۆیه، بڕیاریان دا به قه‌ده‌غه‌كردنی دانانی هه‌موو جۆره سه‌وزه و ماستاو و شه‌ربه‌تێك له ته‌واوی خواردنگه و چێشتخانه و كه‌بابخانه و خواردنگه سه‌فه‌رییه‌كانی قەزای كۆیە.
سەرچاوەكە رایگەیاندووە، له ئەمڕۆوه بڕیاره‌كه دەچێتە بواری جێبه‌جێكردن و ئەوەی سه‌رپێچی بكات، رێكاری یاسایی به‌رانبه‌ر ده‌گیرێته‌به‌ر.
داواش كراوە په‌رداخی سه‌فه‌ریی چا لە چاپخانە و كافیتریا و چێشتخانەكان بەكار بهێنرێت.
دوای بڵاوبوونەوەی نەخۆشیی كۆلێرا لە سنووری سلێمانی و گەرمیان، لە هەموو لایەكەوە خۆپارێزی و رێكاری پێویست دەگیرێتەبەر، بۆ ئەوەی رێگری لە نەخۆشییەكە و هەروەها پەتای سكچوون و رشانەوەش بكرێت، كە زیاتر هاوینان بڵاودەبێتەوە.
