لە هەڵەبجە خولێک بۆ چاندنی ئاڵتونە سوورەکە دەوترێتەوە

964+

ژووری هەواڵ

کشتوکاڵی هەڵەبجە خولێک لەبارەی شێوازی چاندن و خزمەتکردنی رووەکی زەعفەران و کۆکردنەوەی بەرهەمەکەی دەکاتەوە، رووەکەکە یەک کیلۆ لە مەیسەمەکەی “سێ ملیۆن دینارە”.

خولەکە لەلایەن ئومێد ئەحمەد، ئەندازیاری کشتوکاڵ دەوترێتەوە، ئەم ئەندازیارە ماوەی شەش ساڵە وەبەرهێنان لە گوڵی زەعفەران دەکات و دەڵێت، “لەگەڵ ئاوهەواوی ناوچەکە گونجاوەو بە شێوەیەکی سەرکەوتوانە بەرهەم دێت”.

ئەمڕۆ یەکشەممە 8.9.2024، قانع موحسین، ئەندازیار لە کشتوکاڵی هەڵەبجە بە 964ـی راگەیاند، خولەکە بێبەرامبەر و رۆژی سێشەممە 10.9.2024 لە بەشی رێنمایی کشتوکاڵ کاتژمێر 9:00ـی بەیانی لەلایەن مامۆستا ئومێد ئەحمەد دەوترێتەوە.

بۆ بەشداریکردن لە خولەکەدا دەتوانن پەیوەندی بەم ژمارانەوە بکەن: 07501126459، 07501817885 و 07733132576.

گوڵی زەعفەران، کە بە زێڕی سووریش ناسراوە، گوڵێکی پایزەیەو زیاتر لە ناوچە شاخاوییەکان دەڕوێت، بەهۆی بەها گرنگەکەی و بەکارهێنانی لە زۆر بواردا، لە دونیا وەبەرهێنانی زۆری لەسەر دەکرێت و ئەمەش وایکردووە نرخەکەی گران بێت.

گوڵی زەعفەران، لە مانگی ئەیلول دێتە چاندن، لە کوردستانیش ناوچەیەک هەیە بەناوی زەعفەران، ئەمەش بەهۆی بوونی بڕێکی زۆری گوڵی زەعفەران لە ناوچەکەدا.

له‌ هەڵەبجە درۆن لە بواری کشتوکاڵیدا به‌كارده‌هێندرێت