وێنەی دەستگیر کراوەکان. فۆتۆ: ئاسایشی هەولێر
لە هەولێر
دوو کەس لەسەر دانانی سەنتەری جوانکاری ساختە و هەڕەشەکردن دەستگیر کران
964+
ژووری هەواڵ
لە هەولێر دوو کەس دەستگیر کران کە بە وتەی ئاسایش سەنتەری جوانکاری ساختەیان داناوە و ڤیدیۆی موشتەرییەکانیان تۆمارکردووە بەمەبەستی هەڕەشەلێکردن و وەرگرتنی پارە.
ئەمڕۆ هەینی 30.8.2024، ئاسایشی هەولێر رایگەیاند، لە تۆڕی کۆمەڵایەتی فەیسبوک هەژمارێک بە شێوەی ساختە دانراوە و وێنە و ڤیدیۆی چەند ئافرەتێکی لای خۆی تۆمار کردووە و دواتر هەڵساوە بە هەڕەشەکردن لەو ئافرەتانە و لە بەرامبەر بڵاونەکردنەوە وێنە و ڤیدیۆکانیان داوای بڕێکی زۆر پارەیان لێکردوون.
لە لێکۆڵینەوەکان دەرکەوت ئەم تۆمەتبارانە بوونەتە هەڕەشە و مەترسی بۆ سەر ژیانی ئافرەتان، ئاسایشی هەولێر وا دەڵێت.
راشیگەیاند، “داوا دەکەین لە هاوڵاتیان ئاگاداری پەیوەندیەکانیان بن لە تۆڕە کۆمەڵایەتییەکان و هەر بابەتێک، کە تایبەتە بە کەسایەتیت بۆ هیچ کەسێکی رەوان مەکەن، تا مەترسی لەسەر ژیانتان دروست نەبێت”.
