داهاتى ئه‌م هه‌فته‌یه‌ى سلێمانى نزیكه‌ى 12 ملیار دیناره‌

964+

فه‌رهاد حه‌سه‌ن

ماڵپه‌ڕی شه‌فافیه‌ت داهاتی یه‌ك هه‌فته‌ی سلێمانی بڵاوكرده‌وه‌ و ده‌ڵێت، نزیكه‌ى 12  ملیار دیناره‌ و 85%ـى ئه‌م داهاته‌‌ش به‌شێوه‌ی نه‌ختینه‌یه‌.

داهاته‌ هی‌ رۆژی 10.8.2024 تاوه‌كو ئه‌مڕۆ 16.8.2024 ـه‌.

شه‌فافیه‌ت، ماڵپه‌رێكه‌ بۆ چاودێری و رێكخستنی داهاته‌ نانه‌وتییه‌كانی سلێمانی و هه‌ڵه‌بجه‌ و هه‌ردوو ئیداره‌ی راپه‌ڕین و گه‌رمیان.

به‌پێی داتاكانى ئه‌م ماڵپه‌ره‌ داهاتی یه‌ك هه‌فته 11 ملیار و 876 ملیۆن و 724 هه‌زار و 975 دینار بووه‌، داهاته‌كه‌ش‌ ته‌نیا 15%ـی به‌شێوه‌ی چه‌ك بووه‌‌.

ئاماژه‌ی به‌وه‌شكردوه‌، 10 ملیار و 73 ملیۆن و 639 هەزار و 575 دیناری واتا 85% نەختینەیە و هەروەها ملیارێك و 803 ملیۆن و 85 هەزار و 400 دیناری، واتا 15% بەشێوەی چەكە.

ستراتیژی كوردستان بۆ رووبه‌ڕووبوونه‌وه‌ی گه‌نده‌ڵی خرایه‌ڕوو