كێشەكە چی بووە؟
مێردمنداڵێک لە بەردەڕەش پووری خۆی کوشت
+964
هیڤی دێوالی-دهۆک
لە سەنتەری قەزای بەردەڕەش مێردمنداڵێک پووری خۆی کوشت، بەڕێوەبەری پۆلیسی بەردەڕەشیش دەڵێت، رووداوەكە بەهۆی کێشەیەکی کۆمەڵایەتی بووە و مێردمنداڵەکە دەستگیرکراوە.
ئێوارەی ئەمڕۆ پێنجشەممە2024.8.15، لەناو سەنتەری قەزای بەردەڕەش مێردمنداڵێکی تەمەن 15ساڵان، پووری خۆی کوشت، كە ژنەکە نزیکەی 35 ساڵە و خەڵکی قەزای بەردەڕەشن .
عەمید سەعدی بەرزنجی، بەڕێوەبەری پۆلیسی قەزای بەردەڕەش هەواڵەكەی بۆ 964 پشتڕاستکردەوە.
وتیشی، “تەرمی ژنەکە رەوانەی پزیشکی دادی دهۆک کراوە و پشکنینی بۆ دەکرێت، بکوژیش دەستگیرکراوە و لەلایەن دادوەرەوە لێکوڵینەوەی لەگەڵ دەکرێت و بەپێی یاسا سزا دەدرێت.
پێداچوونەوە: ئەرسەلان عەبدوڵا
