تۆم كروز ئاڵای ئۆڵمپیی وەرگرت و بە “ئەركێكی مەحاڵ” بەرەو ئەمریكای برد
964+
ئەرسەلان عەبدوڵا
ئەستێرەی ناوداری سینەما تۆم كروز لە رۆژی كۆتایی ئۆڵمپیادی پاریس، بە نمایشێكی سینەمایی سەرنجڕاكێش، هاوشێوەی نمایشی لە فیلمەكانی
mission impossible ئاڵای ئۆڵمپیی لە فەرەنسییەكان وەرگرت و دەیگەڕێنێتەوە بۆ ئەمریكا و بڕیارە 2028 ئۆڵمپیاد لە شاری لۆس ئەنجلسی ئەمریكا بەڕێوەبچێت.
تۆم كروز سەرەڕای ئەوەی تەمەنی 62 ساڵە، بەڵام هێشتا جوڵە و شێوەی هەر لە گەنجێك دەچێت و سەرنجی هەموو دنیای بۆ خۆی راكێشاوە.
یارییەكانی ئۆڵمپیادی هاوینەی 2024 دوێنێ لە پاریس كۆتایی هات و ئەمریكا بە 126 مەدالیا، كە 40یان زێڕ بوون، پلەی یەكەمی بردەوە و چینیش بە 91 مەدالیا، كە ئەوانیش 40 زێڕیان هەبوو، دووەم بوون.
