داوای تاپۆکردنی زەوییەکانیان دەکەن
هاوڵاتیانی 29 گوند چوونە بەردەم پارێزگای سلێمانی و گردبوونەوە
+964
دیلان محەمەد جەزا
دانیشتوانی 29 گوندی سنووری سلێمانی هاتنە بەردەم بینای پارێزگای سلێمانی داوای تاپۆ کردنی زەویەکانیان دەکەن.
سابیر ساڵح نوێنەری خاوەن زەویەکان بە 964ـی وت، لە سنووری سلێمانی 29 گوند نەخشەی بنەڕەتی گوندیان هەیە و بڕیاری تاپۆکردنیان بۆ دەرچووە، شارەوانی دەڵێت تاپۆ کردنەکە تەنیا خانوو دەگرێتەوە و زەوی و هەیکەلی خانوو ناگرێتەوە.
باسی لەوەکرد، بەهۆی ئەو بڕیارەوە خەڵکێکی زۆر زرەرمەند دەبن و ئەمرۆ سەردانی پارێزگای سلێمانیان کردوە و بەڵێنیان داوە پارێزەریان بن.
پێداچوونەوە: توانا نەقی
