بەغدا
لە بەغدا
سزای لەسێدارەدان بۆ شەش كەس دەرچوو
964+
ئەرسەلان عەبدوڵا
ئەمڕۆ سێشەممە 6.82024 دادگای ناوەندیی تاوانەکان لە بەغدا، سزای لەسێدارەدانی بۆ شەش تاوانبار دەرکرد کە تۆڕێکی نێودەوڵەتی تایبەت بە قاچاخچێتی ماددەی هۆشبەریان پێکهێنابوو.
ئەنجوومەنی دادوەری لە بەیاننامەیەکدا کە ئاژانسی هەواڵی عێراق بڵاویكردووەتەوە، ئاماژەیان بەوەکردووە، ئەو سزادراوانە (30) کیلۆگرام مادەی هۆشبەری كریستاڵیان پێوەگیراوە، كە مەبەستیان گواستنەوە و فرۆشتنی بووە لە ناوخۆی عێراقدا، جگە لە گواستنەوەی بۆ وڵاتانی کەنداو.
سەرچاوەكە ئاماژەی بەوەش کردووە، “ئەو بڕیاری لەسێدارەدانە، بەپێی بڕگەکانی ماددەی 27/یەکەم لە یاسای ماددە هۆشبەرەکان و كارتێكەرە عەقڵییەكانی ژمارە 50ی ساڵی 2017 و بەپێی مادەکانی 47 و 48 و 49ی یاسای سزادان دەرچووە”.
