هەڵەبجە؛ سێ رۆژ لە هەفتەیەکدا پشکنینی چاو دەکرێ

964+

ئەحمەد مستەفا

رۆژێک بۆ پشکنینەکانی چاو لە هەڵەبجە زیاد کراو بۆ لە مەبەدوا لە هەفتەیەکدا سێ رۆژ، پشکنینی چاو لەو پارێزگایە بۆ شۆفێران و هەر داوکارێک ئەنجام دەدرێ.

رۆژانی یەکشەممە، دووشەممە و سێشەممە شۆفێران و هاوڵاتییان دەتوانن پشکنین بکەن.

ئەمڕۆ دووشەممە 5.8.2024، تەندروستی هەڵەبجە لە بڵاوکراوەیەکدا دەڵێت، “لە بەرژەوەندی گشتی هاوڵاتییان و بۆ زوو رایکردنی مامەڵەی هاوڵاتییان سەنتەری شەهید عەبدولڕەحمان حەمەی فەرەج تایبەت بە نەخۆشیەکانی چاو رۆژێک بۆ پشکنینەکانی چاو زیاد دەکات”.

تەندروستی شارەکە داوایکردووە، “هاوڵاتیان رۆژانی، یەکشەمە، دووشەممە و سێشەممە، لە کاتژمێر 1:00 بۆ 3:00ی پاش نیوەڕۆ، بۆ پشکنینی چاو  سەردانیان بکەن.

ئاماژەی بەوەشکردووە، “پشکنینەکان بۆ هاوڵاتییان و شۆفێران و هەر داوایەکی دیکە ئەنجامدەدرێن، یان بۆ دامەزاندن بێت هەمان رێکاری دەیگرێتەوە دەتوانن پشکنین بکەن”.

فەرمانبەران و مامۆستایانی هەمیشەیی زانکۆی هەڵەبجە ئاگادار دەکرێنەوە

تیروپشک بۆ ژمارە جوانەکانى هاتوچۆى هەڵەبجە دەکرێت