کەڵکی خواردنی نەبوو
لە ئاکرێ 380 کیلۆ زەیتوون لەناوبرا
964+
میدیا گۆران
لە قەزای ئاکرێ بڕی 380 کیلۆ زەیتوونی زەرد و رەشیان لەناوبرد کە کەڵکی خواردنیان نەبوو.
قایمقامیەتی قەزای ئاکرێ لە ماڵپەری فەیسبووکەکەیان راینگەیاند، لیژنەی بەدواداچوونی بازاڕ بە هەماهەنگی لەگەڵ لیژنەی ئابووری ئاسایش لە قەزای ئاکرێ، دەستیان بەسەر 380 کیلۆ زەیتوون گرت کە لەسەر عەرەبانەکان لە بازاڕدا دەفرۆشران.
بەپێی راگەیاندراوەکە، زەیتوونەکان پشکنینیان بۆکراوە و دەرکەوتووە کەڵکی خواردنی نەماوە و تێکچووە، کەچی فرۆشیارەکان بەردوام بوونە لە ساغکردنەوەی بەسەر هاوڵاتیان.
