لە تاڤگەیەكی سنووری پشدەر تابلۆیەک دەرکەوتووە

964+

ژێوار خدر

دوای ئەوەی بەڕێوەبەری گەشتوگوزاری راپەڕین، لە چەند رۆژی رابردوودا سەردانی تاڤگەی سولی دەوژانی کردووە لە  ناحیەی ئیسێوەی قەزای پشدەری سنوری ئیدارەی راپەڕین، لە لاپەڕەی فەیسبوکی بەڕێوەبەرایەتییەکە، پۆستێکی بڵاو کردووەتەوە و دەڵێت، لە کاتی سەردانەکەماندا وێنەیەکی سەرنجڕاکێشی ژن و پیاوێکمان بەدی کرد لەسەر دیواری تاڤگەکەیە.

ئارام پیرۆت، ئاماژەی بەوە کردووە، پێدەچێت تابلۆکە سروشتی و خۆڕسک بێت و پێشی وایە، لە داهاتوودا دەبێتە جێی بایەخی گەشتیاران.

964 بەڕێوەبەرایەتیی شوێنەواری راپەڕینی ئاگادار کردەوە لە بابەتەکە، بۆ ئەوەی بزانێت تابلۆکە شوێنەوارییە و دەستکردی مرۆڤە یان سروشتی و خۆڕسکە، بەرزان باییز بەڕێوەبەری شوێنەواری راپەرین وتی، لیژنەیەکی لێکۆڵینەوە پێک دەهێنین، لە نزیکترین کاتدا سەردانی شوێنەکە دەکەین و بەدواداچوون دەکەین بۆ ئەوەی ئەگەر تابلۆکە شوێنەواری بێت، کنە و پشکنینی بۆ بکەین.

لە تاڤگەیەکی دەڤەری پشدەر پلەی گەرما 17 یە