کارى نوشتە و جادو بووە
پۆلیسى دهۆک تەڵەکەبازێکى دەستگیرکرد
964+
وریا فەتاح
پۆلیسى دهۆک تۆمەتبارێکى دەستگیرکرد کە نوشتە و جادوى بۆ خەڵک کردووە و دوو ساڵ پێشتریش بە هەمان تۆمەت لەلایەن پۆلیسەوە دەستگیرکرابوو.
پۆلیسى دهۆک گرتە ڤیدیۆى دەستگیرکردنى تۆمەتبارێکى بڵاوکردەوە کە تێدا هێمن سلێمان، وتەبێژى پۆلیس قسەى لەبارەوە دەکات، دەردەکەوێت لەلایەن پۆلیسەوە تۆمەتبارێک دەستگیرکراوە کە کارى نوشتە و جادو و فێڵکردن بووە لە خەڵکى.
هێمن سلێمان، لەبارەى ئەو تۆمەتبارەوە دەڵێت، دوو ساڵ لەمەوبەر بەهەمان تۆمەت لەلایەن پۆلیسەوە دەستگیرکرا بوو، بەڵام گەڕاوەتەوە سەر کارەکەى کە نوشتە و فێڵ و جادوو کردنە.
ئێستا تۆمەتبار بە مادەى 240 لە یاسایى سزادانى عێراقى راگیراوە .
وتەبێژى پۆلیسى دهۆک داوا لە هاوڵاتیان بەتایبەتیش ژنان و کچان دەکات کە باوەڕ بەم کەسانە نەکەن، وەک دەڵێت،”ئەو جادوکەرە ئەگەر شتێکى پێبکرێت بۆخۆى دەیکات”.
جادوکردن
