پۆلیسى سلێمانى
“دکتۆرە دونیا عادل بە بڕیارى دادوەر دەستگیرکراوە و نەرفێندراوە”
964+
دیلان محەمەد جەزا- سلێمانى
پۆلیسى سلێمانى لەبارەى دەستگیرکردنى دکتۆرە دونیا عادل روونکردنەوە دەدات و دەڵێت، نەڕفێنراوە و بە بڕیارى دادوەر دەستگیرکراوە.
شەوى رابردوو لە تۆڕە کۆمەڵایەتییەکان و کەسوکارى دکتۆرە دونیا عادل وا بڵاوکرایەوە کە لەلایەن هێزێکى دەمامکدارەوە رفێنراوە
سەرکەوت ئەحمەد، وتەبێژى پۆلیسى سلێمانى بە 964ـى وت،”دەستگیرکردنى ئەو کەسە بە فەرمانى دادوەر بووە و بە ئۆتۆمبێلى پۆلیس و بە جلى پۆلیسییەوە چوینەتە ماڵەوەیى و لەگەڵمان هاتووە بۆ بنکەى پۆلیس”.
دەشڵێت، بە بڕیارى دادوەر بەندکراوە و ئەو تۆمەتەشى ئاراستەى کراوە بەپێى مادەى دووى خراپ بەکارهێنانى ئامێرەکانى پەیوەندیکردنە.
پێداچوونەوە، وریا فەتاح
