بۆریی ئاوی ئیفراز سێ شكا
964+
شۆڕش هەركی – هەولێر
بۆریی ئاوی ئیفراز سێی هەولێر لە نزیك قەزای عەنكاوە شكاوە و ئاوێكی زۆر رژاوەتە سەر شەقامی خزمەتگوزاری تەك شەقامی 120 مەتری، دیاریش نییە كەی بۆرییەكە چاكدەكرێتەوە.
964 لە شوێنی شكانی بۆرییەكە و بە قسەی تیمەكانی چاككردنەوە سەر بە شارەوانیی هەولێر، یەكەمجارە بۆریی ئیفراز سێ لەو شوێنەدا بشكێت.
هاوكات بە گوێرەی ئەو زانیارییانەی 964 لە تیمەكانی چاككردنەوە دەستیكەوتووە، نزیكەی 40%ی گەڕەكەكانی دەرەوەی 100 مەتریی هەولێر كێشەی بێئاوییان بۆ دروست دەبێت.
964 لە رێگەی پەیامنێر و هەروەها لە ئۆفیسی ژووری هەواڵەوە چەند جارێك پەیوەندی بە بەڕێوەبەری ئاوی هەولێر كرد، بەڵام پەیوەندییەكەی بەردەست نەبوو.
ئێستا تیمەكانی چاككردنەوە، پۆلیسی هاتوچۆ، شارەوانی و لایەنی دیكەی پەیوەندیدار لە شوێنی شكانی بۆرییەكەن و كاری تێدا دەكرێت.
پێداچوونەوە: ئەرسەلان عەبدوڵا
