جیاکردنەوەى دەنگەکانى هەڵبژاردنى سەرۆکایەتى ئێران...وێنە: ئیرنا
لە ئێران
جیاکردنەوەى دەنگەکان دەستیپێکرد
964+
وریا فەتاح
دواى سێ جار درێژکردنەوەى ماوەى کاتى دەنگدان لە هەڵبژاردنى سەرۆکایەتى ئێراندا، ئێستا پڕۆسەى جیاکردنەوەى دەنگەکان دەستیپێکردووە و سبەینێ رووندەبێتەوە کامیان سەرۆکە.
موحسین ئیسلامی، وتەبێژى ناوەندى هەڵبژاردنەکانى ئێران رایگەیاند، بنكەكان داخران و دەستكراوە بەجیاكردنەوەی دەنگەكان لەسەرتاسەری وڵاتدا.
هەرچەندە ئامارەکان فەرمى نین، بەڵام باس لەوە دەکرێت لە خولى دووەمدا رێژەى بەشدارى 50%ـى تێپەڕاندووە لە کاتێکدا لە خولى یەکەم 39.9%ـى ئێرانییەکان دەنگیاندا.
ئەمڕۆ خولى دووەمى هەڵبژاردنى سەرۆکایەتى ئێران بەڕێوە چوو کە هەریەک لە مەسعود پزیشکیان، کاندیدى ریفۆرمخوازەکان و سەعید جەلیلى کاندیدى نەریتخوازەکان، کێبڕکێى یەکتریان کرد و سبەینێ روون دەبێتەوە کامیان سەرۆکە.
