کێشەیەکی کۆن نوێبووتەوە
تۆمەتبارانی کوشتنی گەنجەکەی سێمێل دەستبەسەر کران
964+
زەید کۆچەر-دهۆک
درەنگانی شەوی رابردوو لە کافیتریایەکی قەزای سێمێل شەڕێک لە نێوان چەند گەنجێکدا روویدا، بەهۆیەوە گەنجێکی تەمەن 25 ساڵان کوژرا و تاوانباران لە شوێنی رووداوەکە هەڵهاتوون.
رووداوەکە دوای کاتژمێر 1ی شەو روویدا لە کافتریایەکی سەنتەری قەزای سێمێل لە گەڕەکی ئازادی بوو، لە شەڕەکەدا دەمانچە بەکارهێنراوە و گەنجێک لە کافتریایەکەدا بریندار كرا و دواتر بەهۆی سەختی برینەکەی گیانی لەدەست دا.
هێمن سلێمان، وتەبێژی پۆلیسی دهۆک بە 964ی وت، ئەمڕۆ سێ تۆمەتبار دەستگیركران، کە هەرسێکییان ئامۆزای کوژراوەکەن و دەستیان لە تاوانەکەدا هەبووە و ئێستا لێکۆڵینەوەیان لەگەڵدا دەکرێت و ئەم کێشەیە کێشەیەکی کۆمەڵایەتی کۆن بووە و نوێبووەتەوە و شەڕ دروست بووە، دواتر گەنجەکە کوژراوە.
پێداچوونەوە: ئەرسەلان عەبدوڵا