تەنیا لەم ساڵدا 738 کەس دەستگیر کراون
هەڵمەتی بەرەنگاربوونەوەی مادەی هۆشبەر بەردەوامە
964+
شۆڕش عەبدوڵا – هەولێر
هەڵمەتەکان لەلایەن بەڕێوەبەرایەتی نەهێشتنی مادەی هۆشبەرەوە بۆ بنەبڕکردن و دەستگیرکردنی ئەو کەسانەی بەکارهێنەر و کڕین و فرۆشتن بە مادەی هۆشبەرەوە دەکەن بەردەوامە.
تەنیا لەمساڵدا نزیکەی 075 کەس و لە ساڵی 2023 زیاتر لە 1000 کەس بەتۆمەتی مادەی هۆشبەر دەستگیرکراون لە پارێزگای هەولێر و دهۆک
نەقیب ئەرکان ئەفسەر لە بەڕێوەبەرایەتی گشتی نەهێشتنی مادە هۆشبەرەکان بۆ 964 وتی، ناهێڵن هەرێمی کوردستان ببێت بە شوێنێک بۆ ساغکردنەوەی مادەی هۆشبەر و هەروەها جێگەیەک بێت کە مادەی هۆشبەری پیادا تێپەڕبکرێت.
وتیشی، لیژنەیەکیان پێکهێناوە لەگەڵ پارێزگای هەولێر و سەردانی سەرجەم کافتریا و رێستۆرانتەکان دەکەن بە بێ پرس و پشکنین بۆ سەرجەم مەوادەکان دەکەن و بەڵێن نامە بە کارمەند و خاوەنەکانیان پڕدەکەنەوە.
ئاماژەی بەوەشکرد، لە ساڵێ 2023 توانراوە هەزار و 71 کەس بە تۆمەتی بازرگانیکردن و بەکارهێنانی مادەی هۆشبەر دەسگیر بکەن، لە ماوەی ئەمساڵی 2024ـیش توانراوە 738 کەس بە هەمان تۆمەت دەسگیر بکەن کە 403 کەسیان کڕین و فرۆشتنیان بە مادەکەوە کردووە.
ئەو ئەفسەرەی نەهێشتنی مادە هۆشبەرەکان دەڵێت، لە رێگەی سیمینار و هەڵواسینی پۆستەر لە شوێنە گشتییەکان و قوتابخانە و پەیمانگا و زانکۆکان هاوڵاتیان وشیاردەکەنەوە بۆ دوورکەتنەوە لە مادەی هۆشبەر.
پێداچوونەوە: توانا نەقی