دیمهنی یهكێك له پڕۆژهى ئیفرازهكانى پارێزگاى ههولێر ... وێنه: بهڕێوهبهرایهتى گشتى ئاوى ههرێم
بە ساڵێک تەواو دەبێت
هێڵێکی ئاوی ئیفراز سێ بۆ ناحیەی بەحرکە رادەکێشرێت
964+
شۆڕش هەرکی – هەولێر
ماوەی پێنج ساڵە کەمئاوی بەرۆکی بەشێکی زۆری گەڕەکەکانی ناحیەی بەحرکەی گرتووە و هاواری لە دانیشتووانی هەستاندووە، بەڵام قەرار وایە بحسێنەوە و کێشەکەیان بۆ چارەسەر بکرێت.
محەمەد حسێن، بەڕێوەبەری فەرمانگەی ئاو و ئاوەڕۆی بەحرکە بە 964ـی وت، تەواوی کارەکانی راکێشانی هێڵی ئاوی ئیفراز سێ بۆ ناحیەی بەحرکە تەواوبووە و تەنیا وەرگرتنی تەندەر ماوە، چەند کۆمپانیایەک بۆ وەرگرتنی تەندەر پێشکەشیان کردووە، بەڵام تاوەکو ئێستا بەکەس نەدراوە.
وتیشی، مەودای راکێشانی ئاو سێ کیلۆمەتر بۆ ناو گەڕەکەکانی بەحرکە و چوار کیلۆمەتر بۆ دەورووبەری دەبێت، راکێشانەکە تەنیا بۆ ئەو گەڕەکانە دەبێت کە کێشەی بنەڕەتی کەمئاوییان هەیە و بیرەکانیان وشکبوون، سەرجەم گەڕەکەکانی بەحرکە ناگرێتەوە.
راکێشانی هێلی ئاوی ئیفراز سێ بۆ ناحیەی بەحرکە مۆڵەتی ئەنجوومەنی وەزیرانی بۆدەرچووە و ماوەی تەواوبوونی ساڵێکی پێویستە، بەتەواوبونی 39 بیر دادەخرێن لەکۆی 64 بیری ناحیەکە.
پێداچوونەوە: توانا نەقی