سامسۆنگ باشترین مۆبایلی خۆی نمایش دەکات
+964
بڵند عوسمان – هەولێر
سەرەڕای رەخنە بەردەوامەکان لە گالاکسی ئێس 23 ئەڵترا، بەڵام چاوەڕوان دەکرێت زۆرترین فرۆشی هەبێت بەراورد بە نەوەی پێشووی، سامسۆنگ بەنیازە لە سەرەتای مانگی شوباتدا نمایشی بکات.
شارەزایانی بواری مۆبایل رەخنەی توند لە کۆمپانیای سامسۆنگ دەگرن بەهۆی ئەوەی ئێس 23 ئەڵترا لەگەڵ 22 ئەڵترا هیچ جیاوازیەکی نییە و گۆڕانکاری ئەوتۆی لە مۆبایلەکەدا نەکردووە.
بەپێی زانیارییە دزەپێکراوەکان، سامسۆنگ زۆرترین گۆڕانکاری لە ناوەوە مۆبایلەکە ئەنجامداوە بەتایبەتیش کامێراکەی بە شێوەیەکی بەرچاو گۆڕانکاری تێداکراوە کە قەبارەی هاوێنەی سەرەکی کردووە بە 200 مێگاپێکسڵ، کە پێشتر 108 مێگاپێکسڵ بوو.
کۆمپانیای سامسۆنگ بەم زنجیرە بەرهەمە رکابەری لەگەڵ ئەپڵ دەکات، کە دوایین بەرهەمی کۆمپانیاکە زنجیرەی ئایفۆن 14 بوو.