بە لێشاو دەچن
زیاتر لە 50 هەزار گەشتیار روویان لە سلێمانى کردووە
964+
دیلان محەمەد- سلێمانى
لێشاوى گەشتیاران بەرەو سلێمانى بەردەوامە و لە سێ رۆژى رابردوودا زیاتر لە 50 هەزار گەشتیار روویان لە سلێمانى کردووە کە 90%یان خەڵکى خوار و ناوەڕاستى عێراقن.
ئارام شوانى، وتەبێژى گەشتوگوزارى سلێمانى بە 964ـى وت، لە سێ رۆژى رابردوودا زیاتر لە 50 هەزار گەشتیار روویان لە سلێمانى کردووە، ئەمڕۆش لێشاوەکە بەردەوامە و چاوەڕێى گەشتیارى زیاتر دەکەین.
90%ـى گەشتیارەکانى سلێمانى خەڵکى ناوەڕاست و باشوورى عێراقن، ئەوانى دیکەش زۆربەیان گەشتیارى رۆژهەڵاتى کوردستانن
بە وتەى ئارام شوانى، کێشەى جێگایان نییە و هەموو هۆتێل و مۆتێلەکان کراوەن و 25 هەزار گەشتیار لە یەک کاتدا دەتوانن تێیدا بمێننەوە، وەک دەشڵێت: زۆربەى گەشتیاران لە ناوچە گەشتیارییەکان لە ژێر کەپرەکاندا دەمێننەوە و بڕوایان بەوە نیە پارە بدەن بە هۆتێل.
پێداچوونەوە: وریا فەتاح