دیمهنێكی كهعبه.. وێنه: گۆڤارى ناشیوناڵ جوگرافی
رۆژ به ستوونى دهمێنێتهوه
سبهینێ سێبهر لهسهر كهعبه بزر دهبێت
964+
فهرهاد حهسهن
سهرۆكى كۆمەڵەی فەلەكناسانى جهده دهڵێت، سبهینێ دووشەممه ئاسمانی مەکكە لەگەڵ كاتی نوێژی نیوەڕۆدا، یەكەم ستوونبوونی تەواوەتی رۆژ بۆ ئەمساڵ بەخۆیەوە دەبینێت و بەهۆیەوە سێبەری كەعبە بزر دەبێت.
كاتى ستوونبوونهكهى رۆژ لهگهڵ نوێژى نیوهڕۆ له كاتژمێر 12:18 خولهكى نیوهڕۆ (9:18 بەیانی بەكاتی گرینێچ) روودهدات.
ماجد ئەبو زاهرە، سەرۆكی كۆمەڵەی فەلەكی لە جەدە لە بەیاننامەیەكدا رایگەیاند، لەكاتی ستوونبوونی تەواوەتی خۆر لە ئاسمانی مەكکەدا، لە نزمترین خاڵی خۆیدا دەبێت و پلەی 90 دروست دەكات و سێبەری كەعبە و تەواوی تەنەكانی تری ناو كەعبە بزر دەبن و نامێنن.
بەیاننامەكە ئاماژەی بەوەشكردووە “دیاردەی ستوونبوونی تەواوەتی رۆژ لە ئەنجامی شوێنی كەعبەی پیرۆزەوە دێت، كە دەكەوێتە نێوان هێڵی ئیستوائیی و خولگهی سەرەتان”.
دهشڵێت، ههر ناوچەیهكی دیكه دنیا كهوتبێتە سەر هەمان هێڵی پانییەوە، هەمان دیاردەی ستوونبوونی خۆر دەبینن و سێبەری تەنەكان بە تەواوی بزر دەبێت.
